Pupuh Ginada

Taruna : "Beh apa kaden melah bunga nagasarine ento, yan tiang
maan ngubuhin bungane ento, apa kaden liang atine".

Taruni : "Apa perlune ngubuhin kayu buka kene, ane tanpa guna, tulen
bena lakar tuyuh nyampatang luu sai-sai".


Tiang mriki ngrereh "bunga"
kocap wenten "cempaka putih" iriki genahnya reko
kocap luih warnanipun
nawang tranggana ngadika
inggih wiakti
"nanging dereng masamaya alap".

Sasendone kadi ring sipta

"dumadak ya ulung jani
delima wantane ento
akatih tengahin danu
titiang masesangi nyangga
baan kacing
titiang suka metoh jiwa".

Raden Galuh weruh sipta

kenyung raris nyaurin
"lamun paingenan reko
madia latrine ya ulung
di pekene ya tibeninnya
soring bingi
manakti apang pasaja".

Sasemon punika taler sakadi Sasimbing, sakewanten lebih alus lengut tur nudut kayun. Sasemon puniki wenten sane mawangun tembang, utawi gancaran.
............ pah2an sastra saking basita paribasa